Fitz > 運動 Sports > 跑步 Running > 廈門馬拉松見好添食,36日內連辦兩屆

因疫情關係,中國唔少長跑賽事都停辦兩至三年。由11月開始,禁賽壓力減輕,北京、杭州、成都嘅馬拉松都順利舉行,各地亦開快車,趁環境許可紛紛舉辦實體賽,11月27日又到廈門馬拉松。

2022年廈門馬名額28,000人,只有全程馬拉松一個項目,不過仍吸引超過68,000人報名。而且2022年廈門馬更係「全國馬拉松錦標賽」,只要跑入前五名嘅男子選手跑出達標成績 (男子2:09:40、女子2:28:00),就可直接獲得布達佩斯世界田徑錦標賽參賽資格。

唔知係咪因為報名者眾,廈門馬日前更急不及待宣佈,會喺2022年賽事之後36日,即係2023年1月2日,緊接舉行2023年賽事,至於賽事規模暫時仲未公佈。

三十幾日內要舉行兩場馬拉松,真係戥主辦大會辛苦。

資料: 搜狐