成都雙流女子半馬拉松，有5000名參賽者
沒有最無恥，只有更無恥。國內長跑比賽嘅作弊事件，相信地球人都已經耳熟能詳。走捷徑、代跑，甚至搭巴士，已經唔係新鮮事。最新嘅出術case，作弊選手完全明目張膽，無視規距，連外媒都嚇親。
星期日 (9月8日) 舉行嘅「成都雙流女子半馬拉松」，原本係國內頗有名聲嘅女子比賽，因參賽人數高達5000人，吸引全國傳媒關注。不過，賽事舉行時，有兩位選手竟然踩住共享單車，大搖大擺穿越選手之間，仲向攝影師揮手。
----- 廣告 Ad -----
佢哋咁明目張膽犯規，當然畀大會發現。主辦大會依例取消佢哋嘅參賽資格，仲禁止終生參加呢項賽事。
呢啲事件其實已經了無新意，已經唔係新聞。不過今次竟然引起國際關注，Runner’s World 網站發文報導事件，呢兩位選手當堂柒出國際了!
新聞來源: 新浪網
Fitz連結: https://fitz.hk/?p=125254
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。