[港島10K唔足K] AIMS認證信晒你

圖: Amateur Athletic Association

星期日 (12月9日) 舉行嘅港島10公里賽2018，黃尹雋、呂慧敏勇奪男、女子全場總冠軍。天氣轉冷，令大多數選手表現良好，亦聽到唔少朋友都可以 PB，實在可喜可賀。不過，賽後大家對番自己隻跑步錶，有人發覺似乎唔足里數。

賽事由香港業餘田徑總會 (田總) 舉辦，田總可說係香港最具權威的比賽主辦單位，參加者見到田總個名，理想當然相信呢個係專業同嚴謹嘅比賽。不過，根據一眾跑友所報返嚟嘅記錄，就似乎略略少咗一百至二百米左近。

AIMS認證針對賽道距離

當然，跑步手錶嘅 GPS，會受到好多因素影響準確程度，所以未必能作準。而國際田徑比賽入面，路跑比賽就有 AIMS 認證。AIMS 全名係 Association of International Marathons and Distance Races，係判定一場比賽嘅距離同賽道質素係咪合乎標準。至於我哋認識嘅 IAAF 國際田聯比賽分級，就以比賽嘅管理同水準，去將比賽分為金、銀、銅三級，2019年更會新增「白金級」。

AIMS 比賽，必須要有獲認可的賽道測量員，為比賽量度準確距離。而參加者嘅比賽成績，就會受到國際認可。

早前，台灣不少長跑比賽也受到「里數不足」的批評，所以這幾年很多台灣大型比賽，已得到 AIMS 認證，此亦成為了比賽賣點，令台灣跑友更關注比賽的質素。

AIMS網頁顯示，12月9日有認證的賽事只有這幾場。

本地賽事Unicef慈善跑，就有AIMS呢個認證 (紅圈)

港島10K未有認證

至於呢場由田總舉辦嘅10公里比賽，有無得到呢個認證呢? 我哋翻查主辦大會網頁，未見有關認證嘅資料。而我哋去到AIMS官網，查閱12月9日全球有認證的比賽，亦沒有港島10K這場賽事。

所以，如果參加者對距離有任何疑問，只能祈求田徑會給大家一個回覆吧。

HKAAA 官方網頁
AIMS 網頁

Fitz連結: https://fitz.hk/?p=109415