叼住支煙跑馬拉松嘅「陳大爺」，11月初被海內外傳媒廣泛報道事蹟後，旋即成為跑圈紅人。上星期日 (11月20日) 大爺出戰杭州馬拉松，吸引唔少選手一路跑一路同佢 selfie，竟然連成績都唔理。
賽事中，「陳大爺」一如既往叼住支煙跑足42公里，亦無受到「支持者」影響，跑出3小時35分，保持一貫水準。
事實上，「陳大爺」叼住支煙跑馬拉松嘅「奇技」，成功打入國際。唔單止歐美大型媒體，連以色列、希臘、土耳其、印度嘅報章亦有報道。
不過食住煙跑馬拉松咁缺德，著實唔應該吹捧。
資料: 搜狐
中國跑圈紅人「陳大爺」再戰杭州馬拉松 | 3小時35分完成，沿途選手爭相打卡
