最近藍色嘅寶礦力抽起紅色媒體嘅廣告，引起全港爭議，有人更大舉入貨，連帶佢哋12月舉行嘅寶礦力跑都突然熱烈起來。與此同時，Pizza Hut 又話暫時唔係該媒體落廣告，大家又爭住跑完去隊番個 Pizza 咁話。
咁有無 Pizza 做主題嘅跑步活動呢?
Pizza Run UK 係英國一個流行嘅跑步活動，全國有7站: 倫敦、曼徹斯特、布里斯托、薩里郡、埃克塞特、格拉斯哥及卡迪夫城。比賽分別5公里家庭跑，以及10公里項目，完賽者全部都有得食 Pizza。
主辦單位話，佢哋希望以呢種英國人最鍾意嘅食物，鼓勵多啲人做運動。活動報名費係9.9英磅，大概100蚊港幣，有 Pizza 食仲有個完賽牌，其實都算抵玩。
----- 廣告 Ad -----
佢哋除咗實體跑，仲有 Pizza Run虛擬跑，香港朋友都可以參加。
Fitz連結: https://fitz.hk/?p=122691
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。