出席過3次奧運，拎過4面奧運金牌嘅英國跑手 Mo Farah，今屆東京奧運面臨出局危機!
上星期六喺英國伯明翰舉行嘅 Müller British Athletics 萬米錦標賽，Sir Mo Farah 只能跑出 27:50.64，以第8名衝線。呢個時間，距離晉身奧運嘅資格仲差11秒 (27:28.00)，換言之佢如果喺呢幾個星期內，唔可以喺公開比賽有所突破，將會緣盡今屆奧運。
Mo Farah 完賽後對結果相當失望，佢話要衛冕金牌，一定要跑出 Sub-27 (27分鐘內)。而家咁嘅水準，就算去到東京都只能陪跑。至於英國媒體及網民，普遍認為 Farah 受年齡及傷患影響，已經不復當年勇。
不過，團隊就話 Farah 嘅狀態相當好，要入選奧運完全無問題。暫時估計，Sir Mo 會喺月尾英國田徑錦標賽出戰5,000米，爭取奧運入場券。
資料: 英國衛報
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
