內地《光明網》報道，江蘇一名劉姓男子，去年6月加入一間機械零件公司任職技工。返工第4日，部門主管突然要求員工外出跑步，仲無講明要跑幾多。
劉姓男子向法院陳述，當日氣溫高達40度，加上佢毫無準備，跑咗800米之後已有中暑跡象。在旁監督嘅職員卻加以鞭策，指「如果跑不下來就可以立刻走人」。結果，劉先生決定放棄，換衫離場。
資料圖片
點知第二日返工，上司話事主未能通過試用期，原因係未能完成「5公里30分鐘長跑」，更指「沒有吃苦耐勞精神，在試用期內不符合錄用條件」。
劉氏向法院申訴，蘇州市中院審理案件，經二審法院裁定，公司無辦法證明跑步測試係合約內所訂明，判處公司違法解除勞動合同，即係香港嘅「非法解僱」，需賠償約7000人民幣欠薪及員工損失。
資料: 《光明網》
