2月初台灣陳彥博到加拿大參加「700公里育空極地橫越賽」，順利完賽。佢返到台灣第一件事，係喺Facebook 出 post請「全職助理」。
據陳彥博喺 Facebook 所講，佢出發前公務纏身，「訓練、工作、找贊助、寄信件、打電話、提案拜訪、找攝影團隊費用、整理裝備、翻譯比賽文件、煩惱買國外裝備、訂機票、一個人處理所有事」，所以佢未飛去加拿大前，已經有捱病跡象，去到加拿大仲開始發燒，雖然食住退燒藥，不過仍然要喺狀態低沉之下作賽。而育空橫越賽天氣極為極端，有時氣溫低至零下三十度，並且要野外露宿，所以陳彥博整個賽事都係捱住返終點，佢能夠完賽，仲以組別排名第三衝線，已經係超級難得。
陳彥博今次聘請呢個「全職助手」﹐要有大學或碩士學位，職務大致幫佢打點一切以及陪佢出國比賽，月薪4萬台幣或以上，最吸引應該係:「只要你體力夠也能跟得上，老闆帶你上山下海，體驗台灣各處山林秘境。」
唔知大家有無興趣呢?
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
