4月30日,46歲截肢跑手 Jacky Hunt-Broersma 又跑完一個馬拉松。呢次係佢由2022年1月17日開始,連續104日嘅第104次馬拉松,打破非殘疾跑手 Kate Jayden 保持嘅健力士世界紀綠 (101次)。

南非出生嘅 Jacky,25歲驗出患上尤文肉瘤 (Ewing sarcoma),肉瘤生長喺腿部骨骼。因為呢種癌症極之危險,好容易擴散至各個器官,當時 Jacky 喺無乜時間考慮之下,毅然接受截肢手術。

「我唔想與眾不同,我只係想做個正常人。」手術之後,Jacky 隱藏義肢,避免接觸外界,直到有次被佢有跑馬拉松嘅大伯激勵,決定換上「刀片」義肢開展長跑生涯: 最初由5公里開始,再慢慢增加至10公里、半馬。而佢嘅初馬就係芝加哥馬拉松。Jacky 話藉住跑步,體驗到前所未有嘅自由,為佢帶來難以言喻嘅喜悅。

Jacky 原本打算參加北卡羅來納州 Umstead 100賽事,挑戰100英里,不過因為疫情比賽取消。佢唯有喺屋企跑步機練習。就喺呢次訓練入面,Jacky 睇到有個連續完成馬拉松嘅健力士紀錄,於是就以100次為目標。後來英國跑手 Kate Jayden 刷新紀錄,Jacky 唯有「添食」,以102次為目標,最終完成104次。

Jacky 呢104日嘅挑戰,除咗為其他截肢者籌募費用,亦希望可以鼓勵世人去面對困難。Jacky 刷新紀錄之後,會休息幾個月,10月復出參加一場240英里嘅越野賽。

 

在 Instagram 查看這則貼文

 

Jacky Hunt-Broersma(@ncrunnerjacky)分享的貼文

資料: ESPN


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 跑步 Running > 104日104個馬拉松,截肢女跑手 Jacky Hunt-Broersma 創健力士世界紀錄