荷蘭球星洛賓 (Arjen Robben) 上年掛靴退役,不過最近被傳媒發現,佢參加咗荷蘭格羅寧根 (Groningen) 一場半馬拉松,1小時20分37秒完成,1277名選手中排名第20。

自從2019年離開德國班霸拜仁後,洛賓返咗出道球會格羅寧根踢多幾場,然後宣佈掛靴。佢兩年前接受過滑冰運動員 Erben Wennemars 邀請,參加鹿特丹馬拉松,兩人本來打算接受跑步訓練,但係疫情令賽事取消,洛賓亦無參加其他比賽。

事實上,洛賓喺球員時代,已經有參加慈善賽玩下,2018年佢踢緊拜仁,同囝囝跑咗場4公里fun run:

體能狀態維持高水平

38歲嘅洛賓呢次以1小時20分完成半馬,平均每公里跑3分49秒,絕對係高水平。據講,洛賓雖然退役,但並無放棄運動習慣,除跑步外亦有參加其他運動。最近佢就出席一場 padel 賽 (一種類似網球同壁球嘅運動),報道話佢打得有聲有色,唔似業餘水準。

早幾年,西班金童魯爾,以42歲以齡半馬跑完1小時24分17秒,亦令人另眼相看。

追求成績講求紀律,呢啲前職業運動員,值得大家學習。

資料: Runner’s WorldDS


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 運動 Sports > 跑步 Running > 38歲退役荷蘭球星洛賓 1小時20分完成半馬拉松