跑步行山賽事，大會應該唔會考慮每組數字對大家有咩意義，佢哋都只係依次序排列，無論你拎到9413、5354，甚至8888、3333，作為跑手你都要照單全收㗎嘞。
有跑友就唔知好彩定唔好彩，喺月尾舉行嘅「大新 愛跑 愛關懷」被編做No. 689。呢位跑友同我親口講，原先佢都好唔服（因為佢最初並唔係呢個編號），諗住要去投訴，想改番個號碼。不過其他網民就開解佢，話呢組數字其實好好，因為大家都記得！而且你可以喺689前面後面左面右面加好多嘢丫嘛。
咁又係，有時大家可以幽默啲，就好似樂施毅行者呢組咁，佢哋就用呢組數去作為籌款嘅賣點！
講開又講，大家不妨捐款支持佢嘅幽默感啦。
相關資訊：長跑長友Facebook群組
----- 廣告 Ad -----
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。