聽風的少年

1992年4月,美國少年 Chris McCandless 大學畢業冇耐; 作為贏在起跑線嘅高材生,如果佢做一個普通打工仔,生活都應該無憂。不過因為種種原因佢決定放棄一切,換掉名字用自己雙腳踏上探索自己嘅生命之旅。同年9月6日不幸地 Chris 被人發現陳屍於阿拉斯加迪納利國家公園內。佢嘅經歷被作家 Jon Krakauer 寫成暢銷小說,2007年被改編成同名電影《Into the Wild

當年第一次睇呢套電影嘅時候,雖然明白同感受到主角對探索生命嘅熱愛同追求; 但係因為我本身唔係一個喜歡探索天地嘅宅男,睇完之後並未有太大嘅共鳴;返而依家跑左幾年步之後,再重溫返《Into the Wild》令我明白到多一些事情……

用雙腳去看世界,這不是每個跑者每天都在的事嗎?

年輕時,我非常喜歡村上春樹。《聽風的歌》作為村上的出道作品,講嘅就係生命中無可避免會失去一些重要的人或事。村上在小說再版時寫到:「包圍著我們的這個現實社會,卻非常強大,而且難以理清的複雜,顯得好像在把我們想要完全自由自在地活下去的意志加以一一打擊粉碎。把我們所愛的東西一一變成石頭,讓我們所追求的東西一一遠離而去似的」; 可能村上同 Chris 都係用緊自己嘅方法去追尋生活的力量……


跑,可能就係我們跑者力量嘅泉源。

我 Share 故我在

圖片來源

Chris 生前留低係日記嘅其中一句說話係: “Happiness only real when shared.”

我喜歡一個人跑 (亦都係因為種種關係,晚上比較晏先出去跑好難約其他跑友)。一個人跑步帶來平靜,一個人跑步可以放空自己; 遠離世俗嘅繁囂。不過……

跑時嘅喜悅,成功達到自己嘅目標好難唔想同人分享。

Born to Run》作者 Christopher McDougall 亦都講過,人類係咁多萬年來一直都係群體生活,不論男女老幼,一起打獵來過活; 人類擅長長距離追蹤獵物,長跑亦係人類嘅本能。跑步同 Social Networks 可能一直都係我們嘅基因裡面。而亦都有心理學研究指出,人分享自己嘅喜悅本身都係喜悅嘅一部份。大家都希望其他人可以明白同分享,跑咁多咁開心……

我跑咁多唔 Share 咪嘥晒?

跑步鍛練嘅係意志

“I read somewhere… how important it is in life not necessarily to be strong, but to feel strong… to measure yourself at least once: – Christopher McCandless

Angela Lee Duckworth 係 TED Talk 嘅演講,指出成功嘅要訣係意志力。天份都重要,但係任何時候,意志力都係決定勝負嘅關鍵。

跑步鍛練嘅,一直都係意志。

不斷訓練,追里數,做體能; 但係跑步係咪只係要求大家要有強健嘅心肺與雙腿呢?跑步最重要嘅唔只係身體素質既強大,更重要嘅係尋找自己心靈內裏嘅力量。係你撞牆同抽筋嘅時候,跑到身心疲累嘅時候,係不斷覺得自己唔可以跑落去嘅時候,係咩原因支持大家繼續跑嘅呢?

堅持跑步,保持熱情,就係成功嘅第一步。

第一次完成全程馬拉松,我覺得簡直係完成 Mission Impossible,完全體現 ”to measure yourself at least once”。持續挑戰自己 #BeatYesterday 可能就係一直跑嘅動力,一直 feel strong 嘅原因。

赤子之心

“The very basic core of a man’s living spirit is his passion for adventure. The joy of life comes from our encounters with new experiences, and hence there is no greater joy than to have an endlessly changing horizon, for each day to have a new and different sun.” – Christopher McCandless

每一個人都有唔同嘅經歷,每日我地都會遇到唔同嘅人同事; 作為一個跑友,尋找新嘅練習路線,或者計劃下一個比賽都可以令大家滿心期待。對於跑海外馬嘅朋友就更應該有更多嘅經歷可以分享。

馬拉松精神就係尋找挑戰,係跑道上認識自己。保持赤子之心,保持對世界嘅好奇,保持對新事物嘅熱愛;跑步改變到大家嘅身型外表,不過最重要令係心境更健康更年輕。

你今日跑左未?

資料來源

Fitz連結: https://fitz.hk/?p=115379





更多:
Fitz Facebook專頁
跑咗三年,究竟有咩得著?
尊尼@Fitz
Fitz Running 跑步


文章為作者意見,不代表Fitz立場。

廣告
尊尼
年紀大機器壞所以開始跑步。越跑越多,越跑越愛;見到長跑一點點的改變自己,亦都想分享一下自己嘅經歷同經驗,希望大家都有所得着。