Farah唯一一個六大馬拉松錦標 (2018年芝加哥馬拉松)

「英國之寶」Farah (法拉) ,2017年離開田徑場轉戰路跑,唔少人都寄予厚望,希望可以打破非洲跑手壟斷馬拉松嘅情況。不過,除咗2018年於芝加哥馬拉松,以2:05:11個人最佳時間奪標之外,成績一直直平平。

2019年倫敦馬 Farah 雖然可以維持2:05:39,但比賽高手林立只得第五。到同年嘅芝馬衛冕戰,佢更只跑出2:09:58個人最差時間,得第八名。Farah 賽後話,頭半程佢盡力跟住主車群,但領先車群嗰班非洲選手實在太快,佢完全頂唔住之下失卻錦標。

Farah 前幾日就首次喺電台節目,透露將會重返田徑場,於東京奧運尋求衛冕10,000米賽事。佢喺節目話:

「2019年10月芝加哥馬得第八之後,已經有返回田徑場嘅打算。到呢幾日終於諗清楚!」

Farah 全盛時期,喺田徑場所向無敵,參加兩次奧運共得到4面金牌,甚得英國人歡心。希望出年奧運佢可以重新振作,繼續發光發熱。

當年Farah緃橫田徑場時的慶祝動作。


資料: Runner’s World

其他文章:

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。