Google 早年發展自動駕駛系統,其後發展成 Waymo 無人駕駛汽車。最近,Google 更將 AI 智能運用到視障者領航領域,其中一個目標,就係協助佢哋喺無須協助下,投入跑步運動。

呢個叫 Project Guideline 嘅計劃,利用 AI 辦識路上嘅「引導線」: 如果跑者偏離太遠,應用程式會透過耳機,於左邊或右邊聲道播放雜訊,跑者就可按聲音修訂前進方向。今年10月,Google 邀請了視障人士參與測試,有人形容可以在無拘無束,導盲犬、領跑員甚至手杖協助下運動,感覺有如飛一樣。

以下是 Project Guideline 的感人短片介紹:

呢個系統只需一部 Android 手機,及Google專用腰帶運作,設備相對簡單,而且離線亦可順利運作,非常方便。不過 Google 亦表明,Project Guideline 仍屬初步研發階段,距離大規模應用仍需一段時間。

除 Project Guideline,Google 亦發展過 Chrome AI 技術,辦識影像同說明,而 Google Lookout 嘅語音幫助,可辨識路上障礙物,並可大聲朗讀文字。

資料: Venture Beat


文章為作者意見,不代表Fitz立場。
歡迎投稿: http://fitz.hk/contribute/
朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。