全球知名跑鞋品牌 Saucony 旗下官方 Pacer 團隊（Saucony Pacer Team）正全面展開高強度集訓，全力備戰即將於 10 月 4 日舉行的路跑賽事。團隊由資深 Pacer Lead 帶領，結合精準的「體感控速」訓練與無私的利他精神，旨在為參賽跑手提供最穩定可靠的配速服務，帶領各組別跑手順利衝線並突破個人最佳成績（PB）。
秉持「穩定」核心理念 嚴格執行 80% 出席率特訓
Saucony Pacer Team 的核心理念為一個「穩」字。Pacer Lead 團隊指出，配速員（Pacer）的職責不僅在於跑步能力，更在於速度的精準度與穩定度，因為 Pacer 背上的目標時間牌，正是承載著無數跟隨者的 PB 希望。
Pacer Lead Billy 表示：「Pacer 唔係跑得快就得，係要跑得準、跑得穩，因為你手上拎住嘅牌，就係人哋嘅 PB 希望！個人操 PB 嘅課表係練『點樣再快啲』；但 Pacer 課表係練『點樣喺最攰、最辛苦嘅時候都保持穩定，唔會跌速』。」
為了在比賽日達成零誤差的目標，Saucony 團隊為 Pacer 設定了每週兩課高強度操練、出席率需達 80% 以上的嚴格門檻。訓練特別著重於「體感控速」與「團隊溝通」，要求 Pacer 反覆練習目標 Pace 並減少依賴手錶，將每公里誤差控制在 ±1 至 3 秒內。
Pacer 愷琪（Hoiki）分享備戰體驗：「最深刻係第一堂青公長課，遇到極端高溫跑到爆晒！但正正係呢堂課俾我看到自己嘅不足，之後我調整作息與訓練量，從當初覺得跑 11 公里極度吃力，到而家已經能舒服輕鬆地完成 13 至 14 公里。」
Pacer 阿熙（Hei）亦感觸良多：「最深刻一定係夏天三十幾度又打風落雨練間歇跑，放工好攰每次出門都要同自己打心理戰。但成班人一齊頂，依家隻腳一落地就知要跑咩 Pace，好似開啟咗『定速功能』。」
擬真賽道訓練 剖析天水圍天影路戰術
為因應賽事於天水圍天影路的賽道特性，Pacer Lead 團隊特意將每週長課安排於青山公路進行：
- 模擬斜路控速： 利用青山公路的起伏地形，訓練 Pacer 在上斜時收細步幅並維持步頻，落斜時順勢微調，以體感掌控最佳節奏。
- Pacer 關鍵作用： Pacer 將於空曠路段發揮「擋風」與「定性」作用，協助跑手克服前段盲目求快的心理，並於尾段以極簡、具實用性的指令引導跑手保持跑姿，穩定衝刺。
Pacer 阿熙說明賽道實戰戰術：「帶 45 分組到最後兩三公里跑手心率好高，講大道理佢哋聽唔入耳，我會用最直接嘅短句下指令：『放鬆膊頭，跟返我隻手擺！』『抬頭，眼集中望前面！』最後一公里就喊: 『咬住！差幾百米，唔好跌速！』用最少字數幫佢哋抽返起個節奏。」
Saucony Azura+ 專業戰靴 全程提供極致支撐
在兩個月的高里數備戰期間，Saucony 官方 Pacer 團隊全程穿著 Saucony Azura+ 專業跑鞋進行訓練。該鞋款搭載 PWRRUN PB 超級泡棉中底與 SpeedRoll 滾動技術，提供紮實的緩震性能與自然的推進感，有效減輕長距離訓練後的肌肉疲勞，為 Pacer 團隊提供最堅實的支援。
Pacer 愷琪指出：「Saucony Azura+ 嘅緩震功能非常出色，同時保有極佳嘅彈性與推進感，非常適合用作傷癒復出後嘅訓練用鞋，能有效減輕腳部負擔。」
Pacer 阿熙補充：「下層 PWRRUN PB 超級泡棉腳感紮實、支撐力夠，跑完長課肌肉恢復快。前掌 SpeedRoll 滾動感好自然，幫我哋穩定喺 4 分 30 秒配速時跑得無咁吃力，俾到好大安全感！」
身份轉變：從「成就自己」到「成就他人」
從追求個人速度轉變為陪伴他人突破，Saucony Pacer 團隊展現出深刻的體育精神：
Pacer 愷琪（70分鐘組）：「以前我執著追求 PB 搞到連續三年受傷甚至骨折。今次轉身做 Pacer，我希望用自己嘅故事去勉勵大家：PB 遲早會到來，但唯有遠離傷患、保持健康，先能夠『長跑長有』。」
Pacer 阿熙（45分鐘組）：「以前係想自己贏，現在係想幫到人贏！當帶住一班跑手，最後睇到佢哋順利突破自己，衝線後回頭對你笑住講聲『多謝 Pacer』，嗰種滿足感比自己跑到 PB 仲要大！」
Pacer Lead Billy 總結：「第一堂佢哋成日耷低頭睇錶，練到而家會望周圍、留意環境、作出指揮。跑手係顧好自己，Pacer 係要顧好成班人。以前自己做 Pacer 係諗點樣帶多啲人返終點；而家做 Lead 係諗點樣令我嘅隊員有能力帶多啲人返終點，最大嘅感受就係由『成就自己』變咗做『成就他人』。」
賽前提醒與全體衝線宣言
賽事臨近，Pacer Lead Jordan建議所有參賽跑手於賽前數天適量調整訓練量，維持充足睡眠，並避免於賽前嘗試全新飲食。比賽當日應補充足夠水分與電解質，放術身心迎接挑戰。
Saucony Pacer 團隊全體喊話：
- Pacer Lead Billy：「跟住我哋，一齊衝返終點！」
- Pacer Lead Jordan：「相信自己，咬實 Pacer，一齊衝！」
- Pacer 愷琪：「放鬆心情，快樂邁過門檻，一齊長跑長有！」
- Pacer 阿熙：「信自己，跟緊 45 分隊，今次一齊平穩衝過終點！」
