早前，日本有跑手著住木屐「一本歯」用咗3小時28分完成大阪馬拉松，近日有法國人用馬戲團笑丑嘅高蹺，以2小時0分40秒跑完巴黎半馬。
54歲 Philippe Graciette 係一位體育老師，佢為咗引起學生做運動嘅興趣，特意打扮成《Where’s Wally?》嘅 Wally，仲穿上5呎高嘅高蹺，踏上巴黎賽道。佢以平均每公里5分43秒配速喺巴黎街頭穿梭，引起觀眾注視。
根據《健力士紀錄大全》，現有踩高蹺完成馬拉松嘅紀錄，係由兩名英國人於2012倫敦馬所創下嘅6小時50分02秒。Philippe 呢場半馬可唔可以打破任何紀錄，視乎佢會唔會向有關方面申請。
Philippe 係高蹺愛好者，佢經常以高蹺參與唔同活動。
資料: Running Magazine
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。