Henry So 蘇浩剛為前香港首席網球手,現為國際網球導師及教練

香港經歷第5波疫情,各行各業承受巨大壓力,近日更有大型連鎖健身中心 Fitness First 全線結業。雖說疫症是天災,但嚴苛的防疫措施,亦令不少朋友叫苦連天。前香港首席網球手,現為網球教練的 Henry So 蘇浩剛,日前於個人頻道發表短片,分享佢對防疫措施嘅意見。

市民情緒需要發洩

蘇蘇浩剛以佢認識嘅運動心理學去探討,認為疫情令市民構成心理壓力,而過緊嘅防疫措施,更令抑壓情緒百上加斤。而作為運動教練,相信做運動有助紓發市民情緒,平衡防疫時間的生活壓力。不過,由於體育場館封閉,行山、跑步又要戴口罩,令市民缺乏運動場地,更容易產生抑鬱等情緒問題。

「Covid-19 當然要控制,不過做運動可以紓緩身心,宣洩壓力,其實一樣重要。」

做運動強身健體亦可抗疫

無可否認,抵抗疫症,健康體魄必不可少。不過體育設施關閉,行山、跑步亦要戴口罩,令市民缺乏動機到戶外舒展身心。

「我係每日都要做運動嘅人,有一日無得做運動嘅話會好唔舒服。不過,而家嘅防疫措施咁嚴厲,市民連行山都有困難,甚至落公園耍太極都唔得。咁又點叫大家鍛練體魄抗疫呢?」

體育教練難以生存

體育設施長期封閉,除咗令市民少咗機會做運動,亦扼殺體育運動行業發展。蘇浩剛話因為場地封閉,要被逼停辦課程,令佢認識嘅教練,好多都要離開體育行業,轉做其他工作,有啲就等待政府資助。

「教練同學生都係一個長期關係,教練轉咗行,往往會失去佢原本教開嘅學生,令呢個行業慢慢萎縮。教練要去搵政府攞資助,亦加重政府負擔,損失咪又係納稅人。」

蘇浩剛相信,防疫嘅同時,亦可以照顧市民需要,例如喺合理防疫措施之下,開放部份體育設施。

「可以畀大家剪頭髮,點解唔畀得大家打網球? 網球場咁大,打波嘅時候我同對面學生講嘢佢都未必聽到,又點傳播病毒? 既然兩個人去餐廳都得,點解唔可以兩個去打波呢?」

蘇浩剛語重心長向政府建議,開放體育場地刻不容緩,佢總結有三大好處:

  1. 可以鼓勵市民做運動,強身健體,對抗疫情
  2. 紓緩市民生活壓力
  3. 維持體育行業嘅發展,以免引發香港經濟危機

政府又聽唔聽到?

Coach Henry So 蘇浩剛國際網球導師及教練 Youtube channel
Henry So Facebook 專頁
Henry So Instagram


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz。 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此
首頁 > 運動 Sports > 網球 Tennis > 網球教練 Henry So 蘇浩剛評防疫政策: 可以剪頭髮點解唔可以打波?