人氣潮物 | 大隻佬著3.5磅 Big Red Boots 完成地獄山賽

近年「膠boot」大行其道，今年美國 MSCHF 早前推出 Big Red Boots，成為新一代潮物。最近呢對鞋竟然成為大隻佬嘅比賽道具，完成一項大挑戰。

Buttery Bros 呢班大隻佬，最近就參加個叫做 Hell on the Hill 嘅比賽，賽事繞住山頭跑60圈，累計爬升4000英呎 (1200米)。其中一位大隻佬，唔知點解咁睇唔開，決定著住呢對重達3.5磅嘅 Big Red Boots 上場，雖然最後完成到，但過程一啲都唔輕鬆。

Big Red Boots 設計靈感來自卡通片，不過唔係小飛俠阿童木，而係幼兒卡通《Dora the Explorer》主角嘅馬騮好朋友。