海事處: 勿光顧未獲批准出租或載客取酬遊樂船隻

唔少人都會趁夏天租船出海滑浪、滑水，甚至開船P。不過租船亦要依足法例，租錯船隨時令你蒙受損失。

現時領有「本地遊樂船隻」牌照嘅船隻，唔係全部可以公開出租。只有獲海事處批准嘅「本地遊樂船隻」，先可以出租或載客以收取報酬。根據法例，本地遊樂船隻不得出租以收取租金或報酬，除非該船隻已獲海事處處長批註，並持有有效的檢查證書或驗船證明書、第三者風險保險單、運作牌照，以及書面租船或租購協議。

海事處喺4月26日指，佢哋每日會於香港各區水域巡邏執法外，亦一直與水警保持緊密合作，不時與不同水域進行聯合行動。過去12個月，當局一共進行了214次執法行動；又與水警採取了117次聯合行動，部分更安排人員喬裝乘客取證。

海事處自今年1月起把已獲海事處處長批註可作出租或取酬的本地遊樂船隻名單上載至海事處網頁，並會持續更新，以供公眾參考。處方亦編製了二維碼，印製於「本地遊樂船隻（第IV類別船隻）注意事項」小冊子，以及在熱門海上旅遊區展示的海報上。巿民只需以手機掃描該二維碼，便可核對相關本地遊樂船隻是否已獲海事處批准出租或載客取酬。