老一輩行山友一定見過「XXX製衣廠一代熨王」張炳奴呢個大名，因為上圖嘅塗鴉，喺十幾二十年之前，仲經常喺山野見到，有人甚至稱佢為新界皇帝，與九龍皇帝曾灶財互相輝映。
有日行山，同行山友講開張炳奴，竟然有人問：張炳奴何許人也？
此圖見於http://www.kinhang.org.hk/coll/cpn.htm，稱是2009年的圖片。
嘗試整理張炳奴身世的資料，但只在網絡上找到一篇正式訪問。就是2002年蘋果日報的報道。張炳奴當年63歲（現時76歲了），由於製衣廠通通北移，「一代熨王」張炳奴亦要轉行做保安。他坦然寫勻港九新界，甚至連國內名山大川亦不放過，在山野題字。也因為如此，他曾在國內及香港被罰款。明報有報道更指，張炳奴因塗鴉罪名被罰一千，是多年來唯一宗被定罪案例。
至於我山雞張炳奴的題字有咩睇法？蘋果日報說得好：
「張炳奴本來用白油寫上『時泰製衣熨部張炳奴→81-4-10』幾個大字，但有人卻照樣用白油，加上『之墓』及把「→」改為『才』字，結果遠遠看到『時泰製衣熨部張炳奴才之墓81-4-10』，將一塊大石頭變為墓碑。」
----- 廣告 Ad -----
佢真係畀咗唔少樂趣行山友。
事實上，只要睇到以下呢張圖，就真係唔會鼓勵大家喺山野亂咁寫嘢。你手痕寫幾個字，就要人哋行上山頭搞幾粒鐘？真係唔好咁囉。
不過隨住張炳奴年紀日大，佢亦未必成日行到山。要睇張炳奴墨寶，已經無以前咁易。
更多：
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。