Fitz > 運動 Sports > 行山 Hiking > [樂善盃] 暗藏高手的山野活動

 

圖: TAM

(此文章不適合二十四小時內完成一百公里人士觀看)

逢週末假日去行山,各熱門山徑或地區,總會人頭湧湧,當中暗藏高手,高手是否睇身形步伐同裝備? 非也,山路上你總會發現有一班人,衣著密實,軍曹帽配手袖,多袋背心襯多袋褲,雙插袋背囊,當然唔係你想要的 UD,所記款啦,縮骨遮配收音機,有啲重有馬經乙份及對講機一部,腳踏國產行軍鞋,當身穿 Full Gear,手執黑鑽,腳踏雲上,正按動腕上家明嘅你,係咪嘴角有點輕視的笑意呢~

少年你太年輕了
家陣啲後生仔

臨近十一月,有參加樂善行的山友都應該收到通知,此賽事大受歡迎,因為路線風景一流,義工多,氣氛熱鬧,多嘢食,不過挑戰性,因近幾年改道,已經容易了,最重要係報名費平,亦都係好多山友的入門級賽事,初參賽的,都會諗住做個好時間,賽事中有唔少哥哥姐姐,但千祈唔好睇少佢哋,到時跟錯披,發錯力,尾段就要還。

實體紙張報名表,是活動一大特色

小弟都四十出頭,上述呢班哥哥姐姐,山徑上佢哋有隊形,唔會同你跑,試過跟隊友操山,路徑比較陝窄,同路遇上行山隊,點過頭各自出發,全程被緊迫,無論平路,上斜,山路,都互有先後,要用跑方可放開對方,哥哥姐姐們個個氣不喘,全程話題豐富由個孫到美利堅,如果你跟住行一定學到好多嘢,漸漸開始留意隊中總有一二個,或者二三個著住樂善行件戰衣,鴛鴦撞色,長短袖均有,你就知道唔可以輕看別人。

圖: 樂善行 Facebook 專頁

編按: 樂善行主辦的活動「樂善盃」,是本地歷史悠久的山野活動。

樂善行大會網頁
樂善行 Facebook 專頁

延伸閱讀: [去吧! 那些賽事] 樂善盃 | Care Action Cup 30km

Fitz連結: https://fitz.hk/?p=105658


更多:
Fitz Facebook專頁
香港運動比賽時間表
Fitz 跑步 Running


文章為作者意見,不代表Fitz立場。