山寨有ASICS 4%還會遠嗎?

由

2018-12-28

Fitz > 裝備 Gear > 山寨有ASICS 4%還會遠嗎?

網民驚見，內地有售呢隻叫 Aisekais 嘅運動鞋，鞋嘅款式，特別係鞋面嗰個「井」字，簡直同大家熟悉嘅日本品牌 ASICS 一模一樣! (上圖)

一查之下，呢款 Aisekais 嘅牌子，中文叫「艾斯克斯領跑者」。喺河北固安縣「艾斯克斯領跑者」嘅專門店，有以下簡介:

「艾斯克斯，一個被世界所熟知的名字，其品牌精神源自拉丁格言 “Anima Sana in Corpora Sano”，意為 “健全的精神寓於強健的體魄”，象徵著 Aisekais 的經營哲學理念，本著生產優良運動商品，從製造出第一雙運動鞋開始，就不斷致力於運動領域產品的研發製造。」

心水清的朋友，應該也留意到這句 “Anima Sana in Corpore Sano”，亦是 ASICS 五個字母出處，即是說 Aisekais 連品牌哲學也抄足，你話幾有 heart 呢。

筆者繼續追查，發現內地媒體曾經廣泛報道「艾斯克斯領跑者」，原來佢哋喺北京設有專賣店，仲喺2017年年中，舉辦過大型宣傳活動，以每間舖5000蚊人民幣出售店舖專營權。不過報道出街後，公司網頁經已關閉，但仍然可以喺百度搵到相關資料。

網站關閉，但同時喺「假貨比真貨好」嘅淘寶網，就繼續出售呢款山寨運動鞋，每對售價200蚊人仔咁上下。

睇怕，山寨版嘅Nike 4%，遲下都會同大家見面!

按:日本品牌ASICS，正式中文名稱為亞瑟士