Fitz > 運動 Sports > 跑步 Running > [2020東京奧運] 避開酷熱天氣 馬拉松項目計劃6點起步

2020東京奧運馬拉松,女子及男子組分別於8月2日及8月9日舉行,不過幾點起步,暫時仍未確定。據日本《讀賣新聞》報導,2020年東京奧運馬拉松項目,會比原先預定起步時間提前個半鐘,即係由朝早7點半改為6點。

其實早於2018年7月,東京當局喺制定賽程時,已將馬拉松原定起跑時間,由7點半提前到7點。到年底國際奧委會理事會上,國際奧委會稱為應對天氣情況,預防運動員中暑,考慮將馬拉松起跑時間再提早,建議不可以遲於6點起步。《讀賣新聞》透露當局將會落實呢項安排

事實上,日本當局為咗奧運會期將會出現嘅酷熱天氣頭痛不已,因為根據過去幾年嘅日本七、八月天氣,都有熱浪侵襲,氣溫超過30度。馬拉松作為其中一個最受天氣影響嘅比賽項目,除咗要重新安排起步時間,避開太陽直射,亦研究改善鋪設賽道嘅物料,希望令比賽更順利舉行。

晨早6點跑馬拉松,對香港跑友可能係小菜一碟。不過對國際級選手來講,就可能要時間適應,未必歡迎有關安排。不過有消息話。呢個改動其實只係為咗滿足美國方面嘅觀眾。因為日本時間朝早6點,正正係美國電視台嘅黃金時段。

內地傳媒就以呢個消息大發雷霆,因為日本時間6點,即係北京嘅凌晨5點。如果為咗要滿足美國觀眾,咁咪即係放棄中國14億人民嘅收視,傷害緊中國人民感情!?

資料來源: 騰訊體育

Fitz連結: https://fitz.hk/?p=112507


更多:
Fitz Facebook專頁
[中國田協紅頭文件2019] 官方比賽認證 有助減少混亂?
[跑步猝死] HCM防不勝防 比賽出事避無可避?
[箱根驛傳2019] 跑鞋統計 Nike Vaporfly 4%完勝
Fitz Running 跑步