康樂棋係大家都好熟悉嘅兒時玩意，「大回」、「小回」呢啲術語相信各位看倌都耳熟能詳，特別係七八十後或者再大啲嘅朋友，通常細個一定係社區中心或者宿營嘅時候玩過!
裕華國貨上年開始舉辦康樂棋擂台爭霸戰，第一屆已經很受歡迎，名額火速爆滿。今年第二屆舉辦，增加了名額，令上年向隅的朋友有機會參加。
由於並沒有任何官方的康樂棋機構，康樂棋一向都沒有一套規範的正式規則，以往都是各處鄉村各處例。主辦單位花了不少時間，請了很多高手，一齊去研究和修訂了一套正式規則，在賽前於網上公布，以避免比賽時發生爭拗，相信這套規則有機會廣被探納!
另外亦值得一讚嘅係賽事費用全免，在網上以先到先得形式報名。成功報名者大會以電郵通知，按通知在初賽日到場準時出席。
好好彩我兩屆都成功報到名，賽事以淘汰賽形式進行。第一屆我打入咗第三圈便行人止步，今屆一定要再接再厲! 今次我和幾位朋友一齊報名，希望大家都能打出好成績。
為咗令到參賽者可以早加練習，主辦單位在裕華國貨公司6樓長期擺放數張康樂棋枱，供大家隨時練習，十分貼心!
初賽第一圈賽事在四月底舉行，今年一去到會場發現有一大驚喜! 原來大會為每位參加者都預備左一件顏色鮮艷的精美賽衣，免費隨機送贈。而且T恤背面都為參加者安上頗搞笑的外號，例如我抽到的一件是「康樂棋 blogger 」，但我最喜歡的一件是「豬一般的隊友」，可惜抽唔到呢件! 只好羨慕抽到的朋友!
首輪比賽遇上我的朋友，由於他比較少練習，只係抱住柴娃娃的心態參加，令我僥倖勝出，進入第二圏。
首圈比賽後之後的週末，我過了台灣參加了兩個跑賽，回來之後的週六是第二圈比賽。
第二圈的對手十分強勁。賽事採三局兩勝，對手一開局即以雷霆萬鈞的姿態，長驅直進如入無人之境! 這局我只有機會打了兩三Q，便慘被清枱! 第二局略有好轉，起碼可以做到互有入棋，不至於一面倒。但我不小心犯些低級錯誤，對手一把握之下，再乘勝追擊，最終都把我技術性擊倒! 可以說是輸得心服口服! 第二圈便行人止步!
這個賽事很好玩，費用全免，主辦單位也很用心。每位參賽者都有一個完成賽事的獎牌，以及一隻熊貓公仔作為紀念。每位工作人員都熱心有禮，用心做好件事，很難得! 大會又安排左現場有一個巨型video wall 播放比賽實況，另外又會喺 Facebook 直播，令成件事更加認真!
我自己出局之後，都有逗留觀看朋友和其他參賽者的比賽。整體感覺上今年嘅參賽者比上年強左好多，相信不少朋友在上次比賽後都作出了苦練! 上次我都打到入第三圈，但係今次第二圈嘅對手已經令我完全冇還手之力!
>
今次連自己共有六位親朋好友參賽，目前已有五位在第二圈行人止步，希望最後一位倖存者繼續努力加油! 衷心祝你每次複賽都空手而回， 唔好好似我哋咁快攞到完成牌同埋熊貓公仔呀!
雖然我已經出咗局，但係比賽仍然繼續緊㗎! 決賽將會喺5月19日上演，有興趣的朋友可以到時去裕華國貨六樓現場觀戰，為各位參賽者打氣!
Fitz連結: https://fitz.hk/?p=119457
Fitz Facebook專頁
[寵物素食] 貓貓狗狗要食齋?
[減重法門] 做運動比控制飲食更有效?
生活Life@Fitz
熱愛運動，以跑會友；以BQ和solo完成100K山賽為奮鬥目標。
