2小時09分09秒，對於波士頓馬拉松最頂尖選手，唔算得係咩好成績。不過，呢個由美國跑手 Scott Fauble 跑出嘅時間，就打破咗 Strava嘅上載成績裏面，最快嘅馬拉松記錄。
呢位 Hoka One One 旗下跑手，一直有將訓練記錄 upload 上網，只要登入 Strava，就可以睇到佢嘅跑步記錄 (當然佢都有可能無全盤show off)。大家可以發現，Scott 一般每日兩課，朝早跑12公里，下晝跑6-9公里，每周跑步距離超過65公里。
而經過呢次成為 Strava 嘅最快紀錄保持者，令佢人氣急升，而家有超過12,000人 follow 咗佢，可能係希望從中偷師。
技術問題: 有人問要將跑步記錄上傳至 Strava，係咪要袋部電話跑步? 其實用跑步手機，透過手錶嘅app亦可以將記錄同步至 Strava。你睇睇佢第一張相，就見到左手戴咗隻疑似嘉明了。
資料來源: Strava
Fitz連結: https://fitz.hk/?p=120822
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
