[康復香港] 點解疫情之下唔好去行山?

圖: twitter

全球疫情大爆發，患病人數衝破一百萬，每日有成千上萬人生命受到威脅。香港政府已實施各項「留守」措施，呼籲大家無乜事唔好出街，下令某些行業嘅店舖暫時停業，公務員唔使返工，目的都係為咗少啲人出街，減少傳播機會。不過，Common sense is not common. 呢個禮拜喺網上不時有人仲組隊行山。

圖: IG

相信大多數人都明白點解呢個時期唔好行山，但係仲有人會挑機:「唓，山上面都無人，怕咩畀人傳播喎。」

相信好多人都可以隨口KO佢哋。我就做下醜人，試下整理呢個咁簡單嘅公共衛生常識。

圖: 香港行山遠足之友(吹水山谷）

點解疫情之下唔好去行山?

1. 留喺屋企，暫時被公公認為最有效降低病毒傳播嘅方法嘅其中一項。你去行山無可避免要踏出家門，亦即係要暴露於危險之中。
2. 防止感染其中一項良好習慣，就係每當接觸公共物件後，就要清潔雙手。行山時雙手會不斷接觸外在物件，由山徑扶手、樓級、石頭、植物不等。你行一次山，唔通會不斷用酒精抹手? 咪玩啦!
3. 雙手未清潔前，不要接觸眼、鼻。當你行山三個鐘，你可唔可以忍到三個鐘內唔R下鼻，唔捽下眼?
4. 出外時要戴口罩。戴口罩唔剩止防止受病毒感染，仲係防止你萬一感病時將病毒散佈。而且戴住口罩行山令人難以吸引，所以為人為己，根本唔應該疫情之下行山。
5. 做劇烈運動會降低身體抵抗力。行山都算係劇烈運動，行山後有機會令身體變弱，因而感染病毒。若想強身健體，留喺屋企做下健身啦。

最後奉勸各位，依照現時政府措施，多過四個人嘅聚會係犯法，大家唔好以身試法，更加唔好公然喺網上徵求行山同伴。

星期五網上流傳消息，未FC