[武漢肺炎] 口罩令解除在即 跑步行山勿搏盡

終於可以唔使戴口罩去運動場跑步了

政府宣佈於8月28日 (星期五) 開始起放寬社交距離措施，部份戶外運動場所重新開放 (有關措施暫時實施7日):

• 部分涉及較少身體接觸的活動的戶外運動場所，即運動場的跑道、網球場和練習場、高爾夫球場、高爾夫練習場和練習草坪、草地滾球場、射擊場、射箭場、單車公園、騎術學校和無線電控制模型飛機場
• 容許在郊野公園戶外範圍內不需佩戴口罩

政府補充，於戶外地方進行運動，可以唔戴口罩，即係話嗰啲幾百蚊一個嘅運動口罩當堂無用武之地，而跑友戴口罩跑步行山多月，終於可以自由自在大啖大啖呼吸新鮮空氣了!

唔知大家會唔會唔捨得戴口罩跑步嘅感覺?

----- 廣告 Ad -----

訓練要按步就班

不過，如果呢段時間因為疫情，因為口罩而少做運動嘅話，就算而家「猛虎出籠」，都唔適合搏得太盡。在此提醒大家:

1. 之前戴開口罩跑步行山，一下子除咗口罩，呼吸當然比之前順暢及較適服，但注意最初幾日要按步就班，唔好一下去到盡，以免運動過度，得不償失
2. 運動前做足熱身運動，令肌肉容易適應，以免肌肉受傷
3. 揀條無乜起伏嘅平坦路線，運動場緩跑徑都係唔錯嘅選擇
4. 限聚令仍未放寬 (維持二人限聚)，暫時仍不要團跑，不要組團行山
5. 口罩令仍未完全放寬，出入大街小巷，唔係做運動嘅話，都要戴番個口罩
6. 想行山嘅話，唔好揀熱門路線，屋企後山晨運徑，唔使舟車勞頓，都係唔錯嘅選擇

星期五放寬口罩令，星期六日嘅山頭唔知會唔會咁逼人? 睇怕大家都係忍下腳先。  (網上圖片)

疫情仍未消退，所以大家繼續要維持個人衛生，出入戴口罩，勤洗手!

資料: 政府新聞公告