將爐頭放上枱用
好多營友都會有用s記張枱，同時煮食時會裝爐頭放上枱面用。
先唔講個安全性先，其實唔會覺得太高，根本睇唔到煮成點嘅咩?
----- 廣告 Ad -----
其次一反煲，你對大脾唔駛要都似。
試下將爐頭放地下用，你會發覺，原來户外櫈嘅高度好 match 到地下煮食的。
無準備睡袋
雖然夏天好多人會視為收季，但對一部分人黎講，夏天係特別好玩的。
而户外嘅夜晚，變化相當大，諗住係夏天就唔準備睡袋之類。其實唔用睡袋，都起碼要準備一條毛巾或太空毯喺身。
本老hike試過有年縱走，突然夜晚落大雨，位置又大風。當晚氣溫急降，好彩有太空毯喺身，否則當晚都幾難訓到。
誤信户外垃圾桶
----- 廣告 Ad -----
習慣城市生活的新手，往往見到有垃圾桶就將垃圾放入去，最常見係塔門中圍個垃圾站。
個問題係，户外垃圾站一個星期先會有一日有人黎倒垃圾，同時因為啲食物，會吸引野生動物如牛牛、野豬黎開餐，最終會因為咁攪到一地垃圾，所以正確做法係帶返出市區，明白玩完一日再拎返垃圾走係辛苦嘅。所以最好就廢物減源，令不必要的垃圾減到最少，走時輕鬆得多。
食物直接放地下
都知蟻丫蟲丫草蜢都係 high protein good survival food，但都盡量保持食物衛生，户外肚痛好麻煩
卡式氣罐無留意凹位
卡式氣，俗稱「邊爐氣」，一般都有個箭嘴圖案嘅安全提示印喺上面，提示大家要將有箭嘴圖案果一面朝天放，否則有機會會搶火，眉毛都燒埋你，下次開爐前，請留意番罐身方向。
待續
老hike都去camp
80後老hike一名 對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別