露營新手常犯錯誤之五

1. Footprint長過營

呢張 footprint 無過長

營底墊 footprint 作用係保護營底，但當fp長過營時，一落雨啲水就會經fp流入營底同fp中間，到時就成個營底都係積水。正確應該短過營少少，如果非原裝，可攝入營底或回家裁剪。

呢隻係蠓

----- 廣告 Ad -----

蚊同蠓雖然分類都屬於節肢動物門、昆蟲綱、雙翅目，但蠓係屬於蠓科（Ceratopogonidae)、鋏蠓屬(Forcipomyia)，蚊則是蚊科 (Culicidae)，兩樣野黎，用蚊香未必可以防到哂，所以要留意成份選購。

依個應該係常識吧? 會交叉感染，仲要用塊咁重嘅木砧板……擺盤都擺到啲食物凍晒喇。

按: 圖片由編輯提供，並非老hike口味

本老hike 唔係話 YouTube 全部嘅 camping 片係娛樂片，有好多都有高質素教學的，但更多只係拍片嚟吸晴，當中好多 setting、工具、技巧都係錯嘅，即係你會唔會睇完 cast away 之後信用樹藤同木就可以紮到架艇而出到大海。睇 YouTube，要恃住「我思故我在」心態先安全。

----- 廣告 Ad -----

繩結其實好有用

經驗話我知，工具越複雜，壞嘅機會越高，尤其係一啲會影響到生命嘅野，例如: 依賴電子打火器，如果附近無人，電子打火壞咗，你會點。

依賴風繩扣，如果打緊8級風，個風繩扣不幸爛咗，你會點。

所以建議學用多啲傳統技術，隨時教到一命。

按圖放大

成日聽到人講7級風8級風，依個唔係講打風嘅8號風，係一個叫「蒲福氏」嘅風級表。

大家如果有睇過天氣報告，就一定有聽過「吹清勁嘅東北風」。清勁 = 5級風 = 風速31-40km/h，而依個風力喺香港相當常見，近海風力更高一級以上，一般 gear 去到7級開始受考驗，唔好以為天睛就唔驚。

倒汗水出現，係因為營內同營外溫差，single wall tent 經常出現的問題。每隻款解決倒汗水嘅方法都唔一樣，依個就要用自己嘅生活智慧了。

----- 廣告 Ad -----

80後老hike一名對行山、露營有少許認識 Msr fans，極憎nh(世界第一) 為人暴躁，仇口多，方向感差，對攝影、電子科技係屬垃圾級別