Facebook 群組 北區之友 Friends of North District (上水、粉嶺、沙頭角和打鼓嶺) 有居民發帖，話喺屋企發現一盞著緊火嘅孔明燈，由高空墜落。好彩屋主及時發現，並即刻將火撲熄，否則後果不堪設想。
呢盞孔明燈寫上「身健健康」、「獨中金多寶」等祝福語句，但而家差啲搞到人哋屋企火燭，唔知願望會唔會靈驗呢?
同一日，大埔亦發現一盞點著嘅孔明燈跌落民居，好彩自己熄滅，無造成更大破壞。
台灣每年逾10宗火災與孔明燈有關
早幾年，電影《那些年，我們一起追的女孩》令台灣新北市平溪成為放孔明燈熱門地點。最高峰時期，平溪一年就有30萬盞孔明燈飛上天，不過呢啲孔明燈嚴重破壞當地環境，例如垃圾增加、破壞生態、動物誤食孔明燈等，有網民表示:「人們放天燈許下希望的同時，是在給他人絕望」。當地消防統計，每年大概超過10宗山火，都係同孔明燈有關。
台灣有天燈節，但當局會嚴格控制施放嘅時間地點，以避免災難。
----- 廣告 Ad -----
2018年台灣研發咗一款採用可分解物料，可於空中完全燃燒嘅孔明燈，不過至今仍未普及，孔明燈造成嘅災禍仍然存在。
香港法例雖然無禁止購買或施放孔明燈，但如果造成山火，或影響飛機航道，則有機會被起訴。
永誠
講求綠色、環保、天然的健康生活。推廣新一代健康生活文化。