2021年，疫情下全球長跑比賽大混亂，馬拉松六大滿貫都要面臨延期以及縮減規模，當中最多災多難可說是東京馬拉松 (東馬)。2021年嘅東馬，原訂於3月舉行，但因疫情延期至10月17日，更只限精英選手參加。殊不知日本疫情升溫，最後要將2021年賽事延期至2022年，即係話2021年六大馬，只欠東京馬拉松未有舉行。
2022年東馬定於3月6日舉行，不過大會於12月23日發出通告，引述政府消息，話如果因為疫情而實施緊急狀態令的話，賽事就會取消。
明年3月嘅東京馬拉松係咪可以如期舉行，仍然係未知之數，但虛擬賽已於12月24日開始報名，仲會於參加者之中抽出100人取得2023年東馬參賽資格。
Fitz運動資訊
最update運動資訊