全球人類都希望搵到遏止疫症散播嘅方法，呢次就輪到英國劍橋大學。佢哋研究人員希望，改良口罩佩戴方法去提升防護力，所以實驗採用咗一般外科口罩同KN95口罩，再搭配多種配戴方法測試，睇下邊個會最貼面:
- 正常佩戴
- 將掛繩打結
- 口罩兩側貼上布膠帶
- 用急救紗布包覆口罩
- 用絲襪包覆口罩
- 用橡筋固定口罩、
- 罩內塞入紗布
按圖放大
絲襪最有用
測試者用呢啲佩戴口罩嘅方式進行日常活動，包括與人交談、點頭、轉頭、微笑以至深呼吸。結果發現，戴上口罩後再將絲襪包覆臉部，就令口罩最為貼面，有最高保護度，比一般口罩嘅配戴方法多7倍防護效果。
不過，研究人員指出，「絲襪箍面」始終唔會太舒服，而絲襪亦容易破爛，戴住絲襪出街亦好異相等問題。
有關研究已經發表於學術期刊 PLOS One，可以話得到學術上嘅肯定。
資料: 每日郵報
永誠
講求綠色、環保、天然的健康生活。推廣新一代健康生活文化。