去年東京奧運後退役嘅日本馬拉松紀錄保持者大迫傑，今年2月宣佈復出。第一場比賽，大迫傑並唔係參加馬拉松，而係喺橫濱市舉行嘅日本體育大學長距離競技會5000米項目。大迫傑雖然前段稍微落後，但於最後3000米強力加速超越對手，以13:30.23衝線位列第八，不過與其保持的5000米日本紀錄 13:08.40，仍相去甚遠。
賽後，啱啱踏入31歲嘅大迫傑話，呢次佢雖然參加田徑賽，但仍會專注於馬拉松。
退休半年復出
去年大迫傑話，東京奧運馬拉松將會係佢最後一場比賽。不過半年後，今年2月公開表示自己仍然好享受跑步，會重新投入比賽，並以2024巴黎奧運同2028洛杉磯奧運為目標。
大迫傑轉軑，其中一個原因係睇到 Galen Rupp 去年取得芝加哥馬拉松亞軍。Galen 跑到35歲仍然有此成就，令大迫傑覺得自己仲可以跑得更遠。
大迫傑仲未透露佢嘅訓練計劃，亦未知會唔會重返 NN Running Team。
資料: 読売新聞
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。