挪威女登山家 Kristin Harila 半年前展開佢嘅一大挑戰，就係要喺6個月又6日之內，成功攀登全球14座8,000米以上高山，挑戰出生於尼泊爾嘅英國登山家 Nirmal Purja 於2019年創下嘅世界紀錄。
Kristin Harila 成功飛越大半個地球，完成咗12座高峰，只要喺11月4日前，登上最後兩座高峰: 世界第6高峰Cho Oyu (8201米) 及世界第14座高峰 Shishapangma (8027米)，就可以打破紀錄。不過呢兩座山峰嘅攀登路線要由中國出發，Kristin 要取得中國入境簽證先可以圓夢。
可惜就係，10月28日 Kristin 公開宣佈，中國當局仍未發出入境簽證，計劃失敗。Kristin 雖然失望，不過仍然展示笑容，發放正能量:「逆境時更加要搵出自身力量，出年我一定會再次出發，完成呢個紀錄。」
