台灣內政部認證: 垃圾袋係行山必備用具

行山裝備雖然話各取所需，不過遠足活動有一定危險，無論衣服、鞋襪、背囊風褸、糧水電筒，每一項裝備絕不能馬虎。近日台灣內政部就呼籲民眾，行山記得要帶備大型垃圾膠袋。

1. 人沒有食物，可以生存3週
2. 人沒有喝水，可以撐3天
3. 人失溫3小時，就會致命

呢個情況，垃圾袋可以幫到手。

垃圾袋的好處

1. 遇天氣突變，垃圾袋可穿著上身，用以遮風檔雨。
2. 氣溫驟降嘅時候，垃圾袋具有保暖功能。
3. 大型垃圾袋足夠避免身上裝備弄濕。例如幫你打話求救嘅手提電話，以及糧食、生火工具等。
4. 行山順利，無需用垃圾袋保命嘅話，都可以用垃圾袋執下山徑垃圾。

拎個垃圾袋行山都唔算太重，既然有咁多好處，點解唔考慮下呢?