終於收集好材料可以寫了!
多謝 Terrence Leung 第一人話玩， 但工作關係，未能與這位廿多年朋友一起出征。快腳 Gavin Lam 及年輕 黎家榮 加入， 最後超強 Leung Law 頂上才可成事!
賽前兩日心情不好，只是一個眼神就成了被出氣的主角。賽前晚餐要食自己!
半意外，霸頭位，成了雷利頭一分鐘第一 :p
前半段進程唔錯，比預期快。只有開始三十分鐘慢跑吓。 之後都係行，當然見相機就開始衝衝衝啦 Xp
去到井欄樹食個靚飯準備打第一大佬“東洋山“。 打完都放棄跑去沙田坳， 進入郊遊mode。 點之一郊遊就郊遊至圓墩下。 喺城門已開始入黑， 又下雨， 但我無帶風褸，凍到死。好彩對鞋好咬地， 慢慢落到大埔。
救星 Lau Hiu Fai Jay 有飯有風褸， 令我有返信心打最後幾個大佬“九龍坑“及“八仙嶺“。
上九龍坑唔知自己還有幾多， 進入龜速mode。 令隊友要等拖慢了大家。
去到八仙嶺最後一峰仙姑， 以為可安心完成賽事。 點之去南涌條迷一樣的長長長崎嶇石路真的行到想講粗口。
總算完完整整無傷成隊完成賽事! 組別第50名共83隊完成， 參賽隊數目大約160隊， 完成率51%。
唔係賣廣告，條 Raidlight 褲好滑無磨損。 對鞋令我的年多筋膜炎朋友無來找我，正!
更多：
Fitz.hk Facebook 專頁
雷利戰記 (上)
雷利戰記 (下)
點解無人講雷利衛徑長征?
中佬一名，希望能於還有能力下追求男人的浪漫，留下一點點的回憶。享受完成從前感到不可為的賽時，找尋自我及與朋友一起的存在感。
