認識小妹嘅人，都知我係一個跳跳紮無時停嘅人，所以上天下海樣樣都好！
難得上個星期趁著萬聖節，竟然有一次另類之體驗，可以唔使落老蘭同人迫，都可以跳個夠！
知唔知呢個一格格嘅係乜嘢嚟呢? 好有星球大戰嘅感覺！
其實係一張張小彈床！
咁安裝咁多小彈床係度做咩呢？其實係結合健美體操同彈床嘅 『彈體健身』運動！
彈床玩得多，跳真係第一次！
小妹參加咗星期五晚螢光派對，正值萬聖節，連導師阿Sam都扮鬼扮馬，幾好氣氛。
喺彈床上面健身感覺同一般健身唔同，反地心吸力用力，反而可以訓練到平時健身訓練唔到嘅肌肉，除此之外亦有拉筋同Core Muscle 動作，加上彈床柔軟卸力，震動相對較少，對於關節嘅負荷好似無咁大。
----- 廣告 Ad -----
一小時健身完成後感覺係：感覺新鮮、好玩，對於我來講運動量可以更高（注：我係過度活躍症），有機會玩多次一定去盡啲！
BounceLimit
地址：上環文咸東街22-26號13樓 柏廷坊
電話：2441-0021
PingTing C
一身古銅色肌膚，以追求速度為樂的瘋子，平日卻飾演著電腦前的自閉白領。 努力工作為了瘋狂玩樂，空閒時立刻釋放悶皮，換上戰衣和風浪搏鬥。追得上的人，才能稱為玩伴。