今屆單車百萬行轉咗新贊助，一時間真係睇唔慣，好在女神謝安琪繼續代言，感覺當堂好返啲(其實仲有任賢齊)。不過根據小編今日所見，大會facebook專頁雖然改咗排頭，但點解張cover photo同大頭相，都仲係獅子銀行嘅？距離活動淨返兩個月，唔該快啲改改佢啦。
根據大會所講，今次路線新加入咗南灣隧道，全程13km，參賽名額亦增至6,500人，應該唔會太難報名啩，有興趣嘅朋友，記住2月27號就截止喇！
賽事資料
舉行日期：2015年4月12日
登記時間：早上6時30分至9時30分 (按主辦單位安排於不同時段集合及出發）
登記地點：青衣美景遊樂場
起步時間：早上7時正
結束時間：上午11時30分
閉幕及嘉年華地點 ：香港專業教育學院(青衣)
路線
包括 昂船州大橋、南灣隧道（新增）、青沙公路青衣段
報名
截止日期：2015年2月27日（下午五時）
活動名額：6,500人 (額滿即止)
大會報名專頁
----- 廣告 Ad -----
參加者資格
- 所有參加者必須具備基本踏單車技術及道路安全知識。
- 所有參加者必須於2015年4月12日前年滿16歲。
- 參加者如未滿18歲，必須得到家長或監護人以書面形式同意並簽署作實，方可參加是次活動。參加者可於活動網站內下載家長或監護人同意書。
參加組別
- 個人— 最低籌款額＄680, 優異籌款奬 $1,500
- 企業精英（每組不多於10人）— 最低籌款額$28,000, 優異籌款奬 $38,000
*最低籌款額已包括租借單車。參加者亦可選擇自備單車，惟費用不變。
資料來源：博愛單車百萬行
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
