之前一直搵唔到合適嘅尺寸 Topo 跑鞋，今次感謝代理 @abovethecloudssport 協助，等我有機會一試!
跑鞋發展一直都係向中底堆疊越嚟越多，五花八門，而 Topo 喺呢個競爭底下，仍然堅首追求自然步態，而且保持到保護跑者的要求。Topo Terraventure 5 呢對「反潮流」嘅薄底越野跑鞋，第一身穿著感係好自然，中底厚度 25mm，越野跑鞋嚟講絕對係薄底嘅代表，回歸雙腳最自在感覺，而唔係中底堆疊出嘅腳感。Topo 標誌性足部解剖學鞋頭，比一般跑鞋更闊，為雙腳保留咗足夠空間，目的喺長距離跑動中能自然伸展，有效減少水泡形成及腳趾擠壓。
跑感令人驚喜
----- 廣告 Ad -----
首次穿著 Topo 跑鞋，Terraventure 5 薄底 + 低足跟差 (heel drop) 帶嚟嘅感覺，最直接就係 「更輕更快更自然」。薄底令越野跑動過程中，清晰腳感和靈敏度，都遠高於市面上中底厚度 30mm 以上跑鞋，而且 Vibram®️ Megagrip 大底性能不必多言，防滑性能一流
Topo Terraventure 5 除咗作為越野跑鞋，亦適合成為入門行山鞋。最直接嘅腳感路面感，能夠幫助新手喺越野路段提高信心，低重心提高咗鞋身穩定性，亦都係入門人士最需要嘅要素。
呢半個月，除咗正常越野跑練習之外，亦都有跟朋友去一啲行山熱點郊遊，喺一啲大石位置爬上爬落，Topo Terraventure 5 帶嚟嘅靈活腳感令人更安心，而且日常訓練入面，腳腕穩定性都比以往提升，作為一對全地形越野跑鞋，未試過薄底低足跟差嘅跑手，值得一試!
Topo Terraventure 5 越野跑鞋
• 重量: 292g (M US9)
• 鞋身高度: 後掌25mm / 前掌 22mm
• 坡差: 3mm
• 鞋底物料: Vibram®️ Megagrip
