放監加碳小攻略

終於放監啦！減碳嘅日子雖然得三日，感覺就似過咗三年，等到等長都頸埋呀。

咁，食咩好呢？除非你唔嫌淡口，呢兩日都穩穩陣陣淨係食烚薯仔送白飯。如果唔係，其實都有唔少方便就手又好味嘅選擇。

方便就手系

飯團
我嘅最愛。唔講多次嘞，各位有興趣請睇番之前嘅《為咗加碳，你可以食到幾盡？》

叉燒飯
公司叫食晝叫外賣，除咗燒味通常就係啲又油又多汁嘅飯。分分鐘食咗仲衰過唔食。所以，要避過呢個撈飯引誘，把心一橫要個叉燒飯走汁就唔駛煩！

鴻福堂飯 吉野家牛肉飯
我呢啲懶人夜晚番到屋企，就梗係唔想煮架啦。呢兩間勝在多分店開得夠夜同埋夠多選擇。佢地嘅飯大部分都唔太多汁，又或者可以走汁。

Oliver’s Sandwich
如果食厭咗飯，可以試下加其他碳呀。呢間個焗薯都係不錯嘅選擇。不過就要盡量揀啲走沙律醬嘅款式就perfect啦。

中伏系

粢飯
嗱，呢個伏黎架。成日都聽啲前輩講，食糯米易抽筋架（唔好問我點解，我唔識講）。依？粢飯咪係用糯米做架囉呵？

叮叮飯&即食飯
呢兩樣，我唔敢話唔用得黎做加碳。只係，經驗話我知次次食完跑都跑跑下要搵廁所。咁你話⋯⋯係囉呵⋯⋯

不過，都唔係喺街度樣樣都飯都適宜用黎加碳架。以下呢啲，真係少食好啲。

老麥
仲駛講？真係好油呢。你去比賽跑步定比賽去廁所？

薯片
唔係搞爛gag。前幾日有個第一次跑嘅同事問我薯片係咪碳⋯咪玩啦。

恭喜大家重獲新生，開心加碳!

更多：
Fitz.hk Facebook專頁
渣馬專區@Fitz.hk
[渣馬20周年感動呈獻] 救救小的的
[渣馬備戰] 2016渣打馬拉松路線探究
為咗加碳，你可以食到幾盡？
Karena@Fitz.hk