前個星期日因為在殞石襲地球的陰霾下 (大家不覺身邊的人把落雨跑步講得好很危險嗎?)，仍有七萬名勇士參與渣打馬拉松，這星期Facebook已完全被洗版。有參與的，應該感到十分驕傲。
沿途的經過，很多人已寫過。這篇我想分享衝線一刻。
衝線時下著傾盆大雨，積滿水的地毯令我差點扭傷。同大家一樣，在惡劣天氣下成功完成賽事，我興奮得衝線後跳起歡呼。
倒帶回到SOGO，當時我諗好不好爆上來保貞操。我的忠告是如果平日有衝圈或操intervals，還有當時狀態極佳，仍有貨剩，不妨老爆.(的確是眾所鳩知， 但每年仍有人犯同樣的錯).
----- 廣告 Ad -----
相反的話，明年再戰。因我見過師兄老爆不成， 終點前不支倒地，雙眼如Deadpool一樣反白，然後口吐白沫，嚇親人之餘，比人話跑步好容易會死人過一幢就無謂。
試過馬拉松第二日返工在口遇到隔離位C9，好驚訝同我講，你無死呀，我以為電視死個個中年壯漢係你，我同C9講，不幸離開個個好似係日本人來噃，我似日本人嗎? 九唔搭八(心諗)。
不過也有例外，如果睇見大會時鐘是三小時五十九分十秒，一於阿婆裸跑 (自己駁)都要暴走或爆， 三小時五十九分五十九秒都叫sub-4，吹咩!
另外，今年見唔到有人咁做，可能因為地下濕滑。很久之前，見過跑友模仿外國人，衝線後做掌上壓。拜託不要在終點做掌上壓， 330， 知喇，叻呀你。
今年衝線時，我遇上兩條用兇狠眼神睥著我的蛋散，兩條蛋散覺得我阻Q著佢地攞靚位壓線影相 (壓線， 你以因為自己爭一位百米金牌嗎?)，不斷在旁邊推撞我。心諗有啲品可不可以!? 況且你是同自己比賽，不是跟跑在你身旁的我。
因為我要造時間，所以overtake他們，兩條蛋散誤會我刻意這樣做。當我過了他們之後， 我聽到其中一條跟另一條說，過佢，過佢老母。我即時感到很混亂，究竟你想過我定過我老母呢? 而且我媽媽已經返了天家。好，我就老母都不給你過， 冚家剷。
衝線後我又差啲撞到一對手拖手衝線的小情人。情侶雙雙衝線係好sweet，好想savor這一刻， 但都不要停留太耐， 後邊仍有很多人衝上來。他倆衝線後相擁抽搐喘氣， 你話似什麼，無錯，做完愛 – 回家。還有，你們這樣做會令很多剛PB興奮到不得了的一拖零中佬即時心情直插穀底， 黯然銷魂㗎。
----- 廣告 Ad -----
本文原載於Facebook群組長跑長友，已獲作者授權轉載
更多：
Fitz.hk Facebook專頁
識跑，一定娶一個支持自己跑步的女孩子做太太
寫給陳C9看的跑步潮語解釋
Yiu Kwong Chan＠Fitz.hk
Fitz Running 跑步
