本年跑季第一個大型山賽圖騰跑，會在10月8日(星期六)舉行，但係臨近周末，天文台發出風暴警報，話呢個周末有可能打風！10月6日星期四晚上，仲發出一號風球！
圖騰跑嘅主辦大會，亦同時向參加者發出通知，話3號風球或以上，紅雨、黑雨嘅話，賽事會取消。(奇怪係大會網站及Facebook唔見呢個消息)
賽事萬一要取消，大家都阻止唔到。既然係咁，不如做足準備，應付強風有雨嘅天氣啦。
以下幾點值得大家注意：
- 預濕身：除咗準備便利雨衣外，特別留意電子用品、食物等唔可以濕水物品，要用密實袋包好。
- 預食風：圖騰跑57公里組別，要經過幾座大山，部份位置特別食風，包括：牛耳石山、馬鞍山 (大金鐘前山崖)、大帽山。遇著強風舉步為艱，不妨搵多幾個參加者手拉手一齊行。另外，亦要做足保暖。
- 預濕腳：有雨自然會濕腳，可考慮多帶一對襪。在比賽前亦要在腳上搽花士令。
- 預食物：有風有雨，天氣自然涼啲。預多啲食物令身體和暖，亦避免大會又再甩碌，要大家食生杯麵。
總之，就算大會無取消賽事，但參加者見到天氣、環境唔對路，亦唔好勉強！
更多：
Fitz.hk Facebook 專頁
[去吧! 那些賽事] 雷利路線
[回憶總是……] 那些年前的毅行者
Fitz Hiking 行山
----- 廣告 Ad -----
山雞
十歲登上魔鬼山，二十歲游走大帽大東鳳凰釣魚翁大刀屻。志願有二：生個仔要叫阿山；登上喜馬拉雅山，掛上真普選直幡。