我地好有信心完成南極 100km , 大家要撐我地呀！
出發前最後一次長課， 點知無左隻跑步錶 (咁點算呀？？
), 唯有響屋企求其揾隻錶頂住先， 全靠感覺去跑 ; 結果 d pacing亂晒，頭 30km開快左， 加上之前食唔夠野，搞到好肚餓要中段停低去左茶餐廳食左個飯 (哈哈哈
). 今日氣温驟降， 加上相當大風， 順風嗰陣好似有人推住你跑， 逆風就慘
囉， 同風鬥力好似跑緊條大斜路咁， 消耗左好多體力， 但同時比我地當實習下極地刮起風上嚟嘅境況。
Baby G , 剛剛出嚟跑步嗰陣就係帶住佢， 後尾買左心跳錶佢就入左冷宮， 估唔到今日要靠返佢 XD
今日練左 50km; 完埋今次長課， 我地會各自keep 住練習 warm住對腳。 唔經唔覺，原來只餘下 10 幾日我地就出發啦！以目前練習嘅情況， 我地估計及目標 16 個小時內完成南極100km ! 大家要支持我地，同埋繼續踴躍捐款呀！
----- 廣告 Ad -----
張思縈
任職社工，從事戒毒服務已有十八年, 也是一名運動愛好者、旅者以及攝影人； 喜歡嘗試新事物，並相信透過參與、實踐更能體驗人生。於 2015 年遠赴北極參加馬拉松，希望以克服極地環境之挑戰，宣揚「走出局限，奔向夢想」之康復訊息，鼓勵康復群體抱緊信念，努力跨越康復道路上所經歷之障礙，堅守康復方向，繼續追求人生所訂立之目標。
