一次講晒世界六大馬拉松詳情及特色，大家好好記低報名時間。
日本貴為長跑王國，東京馬拉松就算落大雨，亦見有眾多市民在場打氣。
東京馬拉松 亞洲唯一大滿貫賽
比賽時日期：每年2月底
報名日期：前一年8月
參加人數：3.5萬
報名難度：低 (中簽率10%，海外選手更易)
報名方法：官網抽簽
特色：近近地去日本已經可以參加大滿貫賽事，仲想點？
----- 廣告 Ad -----
1967年Katherine在波士頓馬拉松，挑戰女性出賽禁令，成為運動場上男女平等的先驅。
波士頓馬拉松 難度最高歷史最久
比賽時日期：每年4月中
報名日期：前一年9月
參加人數：2.5萬
報名難度：好高 x2046
報名方法：參加者要達到參加門檻並要提交證明（全馬要求大概三小時）。
特色：馬拉松殿堂級賽事，歷史悠久，有人甚至可以將賽道每一英哩寫出一個故事。香港馬拉松最多只係可以每一公里數到有幾多塊貓眼石。(見Fitz.hk文章《先驅》)
倫敦馬拉松 齊齊做善事
比賽時日期：每年4月底
報名日期：前一年4月
參加入數：3.6萬
報名難度：低 (中簽率10%)
報名方法：官網抽簽，或捐款到指定機構取得資格。
特色：將馬拉松比賽塑造成慈善活動，而比賽極最具嘉年華氣氛。
柏林馬拉松 最易PB比賽
比賽時日期：每年9月初
報名日期：前一年10月
參加入數：4萬
報名難度：低
報名方法：官網報名，先到先得。(呢一點香港人應該最叻。)
特色：賽道平坦，容易做出好成績。世界前五快嘅男子馬拉松紀錄都喺柏林做出，包括現今世界紀錄。
芝加哥馬拉松 全美最佳
比賽時日期：每年10月初
報名日期：2月
參加入數：4.5萬
報名難度：低 (中簽率10%)
報名方法：官網抽簽
特色：賽道平坦而且筆直，被籲為全美國管理最好馬拉松賽事。
----- 廣告 Ad -----
紐約馬拉松為世界最多人一齊跑嘅全馬比賽。人多到……我以為睇到一堆蟻。
紐約馬拉松 最多人一齊跑
比賽時日期：每年11月初
報名日期：4月
參加入數：5萬
報名難度：中 (中簽率5%)
報名方法：官網抽簽，或捐款到指定機構。
特色：1970年創辦，為全球最大型全馬賽事。2013年有5萬人一齊跑全馬，氣氛一流。
六大滿貫獎牌一覽：《獎牌是要咁Show的》
資料：聯合晚報
