我哋個故事由2014年開始。兩個女仔，一條心，決心登上香港50高峰。
第一次行山係鳳凰觀日，凌晨三點起床， 但遇到行雷閃電打風，硬着頭皮上山，中間又暈又嘔，最後見到太陽由水平線升上來，眼淚在心裏流，是最美麗的日出。
自此之後，我們就迷上了行山。開頭會係一啲出名嘅山峰，見到上網話邊度芒草靚，嗰個周末就去上山。接住落嚟，我哋報讀山藝課程，露營，野外煮食，去港九新界行更多嘅山峰，希望可以更接近大自然。
每一次行山都遇到大大小小嘅挑戰。試過太遲上山夜麻麻仲係條山路到，試過雙手雙腳係山上爬足一日，試過炎夏高溫或落住雨上山，試過礦場爆炸，試過山泥傾瀉，試過崩潰，試過迷路，試過被一堆狗又追又圍，試過有大牛牛擋路，但都無擋我哋上山嘅決心。因為我哋有一個目標，就係登上香港50高峰。
如今，我哋二人四隻腳四隻手又行又爬終於完成了香港50高峰，由輕鬆郊遊組變成有經驗的全天候真山友。每一次成功登頂有嘅成就感，滿足感，都係我哋下一次再創高峰嘅原動力。縱使困難，但從未想過放棄，因為我哋有嘅係堅持嘅信念。
希望我哋嘅故事可以啟發大家去追逐夢想，每一個人都有資格去突破自己，勇敢地跨越舒適圈。生活的滿足感，莫過於是有自主及堅持去做自己喜歡的事。
Yama Girl 🏻♀完全山系女子🇭🇰
https://www.instagram.com/dear.moonhiker
Fitz 文章連結: https://fitz.hk/?p=91997
Fitz Facebook專頁
[隨行攝影看毅行教室] 2018年度第一次大考
舊鳳凰徑4段全走
Fitz 行山 Hiking
IG: @dear.moonhiker 完全山系女子，登山作樂，以山會友，堅毅不屈，夢想一路登頂到月球。目前已完成香港50高峰 。
