蘋果，相信係最富營養嘅食物之一，究竟有幾好呢？
1. 營養高
每個中型蘋果（約7安士）含有4克可溶性纖維，只有95卡路里，更含大量維他命C。而且，成年人每日食兩個中型蘋果，就可以得到均衡之飲食習慣。(以每日食兩份生果計，一個中型蘋果相等於一份生果。)
2. 可減磅
蘋果具飽腹感且屬低卡食物，極為適合減磅時代替主餐。而最近研究指出，女性長時間每日一杯蘋果乾，可降低體重之餘，降低膽固醇亦有助減磅
3. 降低心臟病風險
佛羅里達州立大學，搵咗3萬4千名女性，食咗20年蘋果，研究表明蘋果可降低死亡風險以及心臟病嘅發病率。而芬蘭亦有研究搵咗9千名男性，做咗28年嘅調查，亦指出食蘋果嘅人比無食蘋果嘅人，中風嘅機率係比較低。專家話蘋果嘅抗氧化代合物非常高，以及佢嘅高纖成份，可大大減少體內有害膽固醇嘅積聚。
----- 廣告 Ad -----
4. 改善運動表現
做運動食蘋果，可以大大改善你喺運動時嘅表現。全因蘋果含有一種叫quercetin(槲皮素)嘅抗氧化物，可幫助肺部吸收氧氣。有研究指出，呢一種槲皮素，可令單車運動員踩得耐啲。
事實上，蘋果既無脂肪，無鹽(鈉)，無膽固醇，含天然糖份(果糖)，含有多種礦物質以及水溶性纖維，多食確實有益。
圖片來源: calorieking.com
資料來源: eatingwell.com
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。