4星期減8磅,並唔係美容瘦身公司嘅口號,而係奧地利格拉茨醫科大學 (Medical University of Graz) 嘅研究結果。研究人員針對「斷食」(fasting),作出深入嘅醫學研究,證實呢種飲食方法可以有效降低體重,並且改善健康。

佢哋搵咗60名48至52歲,BMI達到25.5嘅中年肥胖人士,進行一個俗稱為「洞穴人飲食法」(Caveman Diet):

  1. 自願測試者在36小時完成禁食,只飲清水。身體吸收熱量為0
  2. 禁食後的12小時,可任意進食。不限份量、不限食物種類,完全放題任食
  3. 12小時後,再開始禁食
  4. 整個計劃持繼4星期

研究團隊發現,呢批參加者雖然隔一日可以任食12小時,不過佢哋熱量攝取量,比平時少35%。而整體平均體重,亦減輕咗7.7磅。此外,大多數人嘅肚腩細咗,血糖指數等慢性疾病嘅潛在危險,亦比斷食之前為低。

佢哋喺呢項研究之下,再做一次更大型嘅研究。呢次要求參加者斷食6個月,結果同斷食4星期相約,而且參加者嘅健康情況更理想。

格拉茨醫科大學內分泌學教授 Thomas Pieber 教授 (右)

負責呢項研究嘅 Thomas 教授話,佢哋仲未知禁食同身體健康,究竟有咩密切關系,不過估計係同人類進化有關。因為遠古時代嘅人類,居於洞穴,食物供應視乎打獵成績,今日有嘢食,聽日可能要捱餓,因而令我哋進化成可以喺身體儲存能量。呢個亦係現代人出現肥胖症嘅主要原因。而進行斷食,其實係喚醒我哋身體呢一項潛在功能。


Thomas 教授話,人類其實好熟悉飢餓嘅感覺,所以斷食並唔係想像咁辛苦。

提醒大家,唔係人人都可以進行斷食呢類激進嘅飲食方法,進行前必要諮詢醫務人員。

資料: 每日郵報英國電訊報

Fitz連結: https://fitz.hk/?p=124715

其他文章:

文章為作者意見,不代表Fitz立場。

歡迎投稿: https://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。