減磅時20種最佳食物 (上)

 

無論你係減磅定減肥，最煩同最經常出現嘅問題係：「今餐食乜好？」

雖然話卡路里有數得計，但係單睇數字，根本計算唔到「飽腹感」等重要因素。今次介紹嘅食物，科學研究話啱晒減肥減磅時進食，大家不妨參考下：

1. 雞蛋（Whole Eggs）

之前文章《5種需要推翻的飲食常識》講過，有新嘅研究指出，雞蛋（包括蛋黃）嘅膽固醇並唔會引致心臟病。而最重要，另有研究話，雞蛋（連雞黃）帶來嘅飽足感，可長達36小時。所以，早餐一隻蛋，絕對可以令你食少其他嘢。而雞蛋嘅高蛋白質，健康嘅脂肪成份，亦可維持你嘅低卡路里飲食。(1, 2)

2. 綠葉蔬菜（Leafy Greens）綠葉蔬菜如菠菜、卷心菜等，低卡路里以及低碳水化合物，加上高纖維，絕對可以減重。此外，呢啲蔬菜亦含豐富礦物質（特別係鈣）以及維他命，有助燃燒脂肪。(3)

3. 三文魚（Salmon）三文魚屬高蛋白質食品，而且佢嘅脂肪雖然含量高，但相當健康。佢含豐富嘅碘，可加強人體代謝嘅運作。鯖魚，鮭魚，沙甸魚，鯡魚和其他類型高脂肪魚類，亦都係好好嘅選擇。(4)

4. 烚薯仔（Boiled Potatoes）無論係減重或保持健康，薯仔都係十分理想食物。佢含有差不多所有人體所需嘅營養，更有部份其他食品少見嘅營養成份。其中佢含有鉀，可幫助控制血壓。而薯仔嘅飽腹感，更可以令人食得較少，幫助減重。至於薯仔皮，更含有豐富嘅食物纖維。而番薯、蘿白或其他根莖類蔬菜，亦是十分好嘅減磅食物。(5)

5. 吞拿魚（Tuna）
吞拿魚低卡、高蛋白，只含少量脂肪，相當適合減重時食用。但要注意，若選擇罐裝吞拿魚，不要揀選油浸，應選鹽水浸。

6. 湯（Soups）飲湯可以減重。有研究話，相同卡路里嘅食物，如用嚟煲湯嘅話，人嘅飽足感會比就咁進食高好多。其中以蔬菜生果煲嘅湯效果最顯著。(6, 7)

7. 果仁（Nuts）果仁含高脂肪，但佢並唔會直接令人變肥。反而果仁屬於理想嘅減重小食，因為佢含有豐富蛋白質、纖維，以及健康脂肪，能改善人嘅新陳代謝。有研究話，進食果仁會比較健康或輕盈。不過要注意，果仁勿記進食過量，因為佢含有高卡路里。(8, 9)

8. 瘦牛肉與雞胸肉（Lean Beef and Chicken Breast）

舊有對紅肉嘅指控，話佢引起心臟病、糖尿病，以及癌症，已被新嘅科學研究所推翻。而佢哋可以令你減重，完全係因為佢哋含有高蛋白質。大家要注意嘅係，當你增加蛋白質佔每日總卡路里攝取量至25-30%，飢餓感可大減60%(10, 11)。

9. 辣椒（Chili Pepper）辣椒含有辣椒素（capsaicin）可有效燃燒脂肪。但要注意嘅係，如果有食辣嘢嘅習慣，呢啲辣椒素嘅功效就會大打折扣。(12)

10. 西柚（Grapefruit）有研究搵嚟91位過胖人士，叫佢哋喺12個星期內，每日每餐前食半個西柚，結果佢哋平均減磅3.5磅（約1.6公斤）。原因係西柚可降低生長激素，加快新陳代謝等等功效。其實剩係睇個研究結果已經好有說服力啦，係咪？(13)

（待續 — 下次再講第11-20種減重食物）

資料來源：authoritynutrition.com

更多：
減磅時20種最佳食物 (下)
8種致肥的「減肥食品」
5種需要推翻的飲食常識
Fitz Life 生活