西方近年興起素食熱潮,澳洲麥當勞有見及此,2019年開始推出 McVeggie 漢堡,喺芝麻麵包中間夾住一塊由薯仔、豌豆、粟米、胡蘿蔔同洋蔥製成嘅素饀,配以乳酪、生菜、香草以及獨有酸菜。

據澳洲媒體講,呢款漢堡深受當地人歡迎,並將佢列入長期供應項目。不過最近,麥當勞靜悄悄將呢款漢堡下架,發言人話:「我哋發現呢項食品未能滿足客人需要。」

據了解,所謂「未能滿足客人需要」,主要指呢款素食漢堡喺烹調過程中,同其他肉類一併處理,令真正崇尚素食嘅食客不能接受,覺得徒有「Veggie」之名。最後,雖然 McVeggie 受到一般食肉顧客接受,但受到素食者批評,下架收場。

資料: 7news


文章為作者意見,不代表Fitz立場。
歡迎投稿: http://fitz.hk/contribute/
首頁 > 飲食 Diet > 澳洲麥當勞素包McVeggie下架,烹調過程齋口唔齋心