----- 廣告 Ad -----
無人會否認，父母係女子嘅最佳榜樣，不過原來唔單止父母嘅行為、談吐、處事可以影響子女，連飲食同運動嘅習慣，都會影響佢哋嘅人生。
美國維珍尼亞大學最近發表研究報告，證實如果父母注意健康飲食及多做運動，子女先天亦擁有較健康基因。研究以囓齒類動物為對象，發現就算父母親交配前大量食用油膩食物，體重超標，只要喺懷孕前改為健康生活習慣，亦會誕下健康子女，降低患上慢性疾病嘅機會。
項研究只針對囓齒類動物 圖: 資料圖片
----- 廣告 Ad -----
研究於最新一期《應用生理學雜誌》Journal of Applied Physiology 上發表，研究人員先收集大批白老鼠，令佢哋攝取高脂肪、高熱量飲食，從而引起肥胖同代謝問題，再幾佢哋交配誕生下一代。呢個時候，佢哋將老鼠分成兩批:
- 大吃大喝組: 老鼠父母懷孕前後，繼續原本嘅非健康生活，誕下嘅老鼠BB會出現代謝問題，包括胰島素抵抗和其他血糖控制障礙，BB 亦會懶得做運動
- 健康生活組: 老鼠父母於交配前改善生活習慣，採用健康飲食以及多做運動 (每周跑7公里)，結果生出嚟嘅BB較少有代謝問題，亦會較為活躍
負責研究項目嘅 Rhianna Laker 教授指出，結果可以證明，飲食同運動習慣係可以通過基因傳畀下一代，而且唔單止母親達到呢個目的，身為人父親都可以造成影響。所以 Laker 教授強調，無論父母之前嘅生活習慣幾唔健康，一發覺自己懷孕，就應該努力去改善自己生活習慣。
父母飲食習慣會遺傳畀下一代
教授補充，雖然呢項研究只針對囓齒類動物，仍未知道喺人類身上行唔行得通，但係教授亦強調，健康飲食、多做運動，根本係大家應該要維持嘅生活習慣，無論有無下一代都應該要做。
資料: 紐約時報
----- 廣告 Ad -----
永誠
講求綠色、環保、天然的健康生活。推廣新一代健康生活文化。